Maliyyə

Ana səhifə

Maliyyə

Azərbaycanda vaxtı keçmiş kreditlərin həcmi artıb

01 fevral 2010 10:58 (UTC +04:00)

Bakı. Vahab Rzayev – APA-Economics. Azərbaycanda fəaliyyət göstərən bank və qeyri-bank kredit təşkilatları tərəfindən verilən kreditlərin tərkibində vaxtı keçmiş kreditlərin həcmi 2010-cu ilin yanvarın 1-nə 303,5 mln. manat təşkil edib ki, bu da 2009-cu ilin müvafiq dövrü ilə müqayisədə 1,9 dəfə çoxdur. Azərbaycan Mərkəzi Bankından «APA-Economics»ə verilən məlumata görə, vaxtı keçmiş kreditlərin xüsusi çəkisi ötən il ərzində 2,2%-dən 3,6%-dək yüksəlib.

Qeyd edək ki, son 9 il ərzində vaxtı keçmiş kreditlərin xüsusi çəkisi üzrə tədricən azalma tendensiyası müşahidə olunub:

* Dövrün sonuna

Ötən il vaxtı keçmiş kreditlərin həcmi və xüsusi çəkisinin artması ümumilikdə mənfi göstərici kimi qəbul olunsa da, iki amil nəzərə alınmaqla vəziyyət daha müsbət qiymətləndirilə bilər. Belə ki, ilk növbədə böhran ili kimi yadda qalan 2009-cu ildə əksər ölkələrdə, xüsusən də inkişafda olan ölkələrin bank sistemlərində vaxtı keçmiş kreditlərin xüsusi çəkiləri hətta 10-15%-ə çatıb. Bundan əlavə, Azərbaycan Mərkəzi Bankının hesablamalarına görə, göstərilən 3,6%-lik həcmin təxminən 1/3-i girovla təmin edilməmiş kreditlərin payına düşür.