Maliyyə

Ana səhifə

Maliyyə

Azərbaycanın qiymətli kağızlar bazarında brokerlərin yanvar renkinqinə «Respublika Invest» başçılıq edir

02 fevral 2010 12:37 (UTC +04:00)

Bakı. Nicat Mustafayev – APA-Economics. Bu ilin yanvar ayında Azərbaycanın qiymətli kağızlar bazarında (repo əməliyyatlar bazarı istisna olmaqla) brokerlərin renkinqinə göstərilmiş xidmətlərin həcminə görə «Respublika Invest» şirkəti başçılıq edir.

Bakı Fond Birjasından (BFB) «APA-Economics»ə verilən məlumata görə, şirkət 1 müştəriyə ümumi dəyəri 7 720 431,84 manat olan broker xidmətləri göstərib. İkinci yeri 4 müştəriyə ümumi həcmi 6 815 182,88 manat olan broker xidmətləri göstərmiş «Caspian Financial» tutub. Bu göstərici birinci yeri tutan brokerin göstəricisindən təxminən 12% azdır. Göstərilmiş broker xidmətlərinin həcminə görə üçüncü yerdə «Brokdil-Az» şirkəti qərarlaşıb.

DQK bazarında göstərilmiş xidmətlərin həcminə görə
brokerlərin renkinqi (yanvar, 2010-cu il)

Mövqe (yanvar,2010)	Mövqe (dekabr,2009)	Brokerlər	Əqdlərin sayı	Müştərilərin sayı	Əməliyyatlarının həcmi (AZN)
1	-	Respublika Invest	3	1	7 720 431,84
2	1	Caspian Financial	9	4	6 815 182,88
3	3	Brokdil-Az	2	1	6 363 680,08
4	2	BoB Broker	4	2	5 869 451,12
5	4	Unicapital	2	2	3 599 919,68
6	5	Texnika Capital Management	1	1	399 680,00