Maliyyə

Ana səhifə

Maliyyə

«Parabank»ın əsas maliyyə göstəriciləri ötən il kəskin artıb

10 fevral 2010 14:40 (UTC +04:00)

Bakı. Elnur Hüseynquluyev – APA-Economics. Azərbaycanın «Parabank» ASC-nin aktivlərinin həcmi 2010-cu ilin yanvar ayının 1-nə 88,571 mln. manat təşkil edib ki, bu da ötən ilin yanvarın 1-i ilə müqayisədə 35,12% çoxdur.

Bankın baş ofisindən «APA-Economics»ə verilən məlumata görə, hesabat ilində bankın depozit portfeli 57,16% genişlənərək 56,428 mln. manat, kredit portfeli 39,95% artaraq 59,222 mln. manat, o cümlədən istehlak kreditlərinin həcmi 6,02% artaraq 30,522 mln. manat təşkil edib. Bu müddət ərzində bankın məcmu kapitalı 6,62% azalaraq 11,535 mln. manat, o cümlədən nizamnamə kapitalı sabit qalaraq 10,070 mln. manat olub.

Qeyd edək ki, ötən il ərzində bankın gəlirləri 34,91% artaraq 13,647 mln. manat, xərcləri isə 21,77% artaraq 13,311 mln. manat təşkil edib. Nəticədə ötən il bankın əldə etdiyi mənfəətin həcmi 0,356 mln. manat olub.

Qeyd edək ki, bank 2008-ci ili 0,815 mln. manat zərərlə başa vurub.

Bundan başqa, bu müddət ərzində bank tərəfindən əlavə 3 filial açılıb, 1 bankomat quraşdırılıb. Son bir ildə bankın işçilərinin sayı 17,28% artaraq 353 nəfərə, orta aylıq əmək haqqı 0,71% artaraq 426 manata, müştərilərinin sayı isə 20% azalaraq 30 804 nəfərə çatıb.

Xatırladaq ki, təsisçisi 23 fiziki şəxs olan «Parabank» ASC 1991-ci ildən fəaliyyət göstərir. Cari ilin yanvar ayının 1-nə bankın ölkə üzrə 15 filialı, 10 bankomatı və 126 POS-terminalı mövcuddur.