Maliyyə

Ana səhifə

Maliyyə

«Zamin Bank»ın aktivləri ötən il 38% artb

17 fevral 2010 11:59 (UTC +04:00)

Bakı. Elnur Hüseynquluyev – APA-Economics. Azərbaycanın «Zamin Bank» ASC-nin aktivlərinin həcmi 2010-cu ilin yanvar ayının 1-nə 187,690 mln. manat təşkil edib ki, bu da ötən ilin əvvəlinə nisbətən 38,4% çoxdur.

Bankın baş ofisindən «APA-Economics»ə verilən məlumata görə, hesabat ilində bankın depozit portfeli 7,1% azalaraq 42,464 mln. manat, kredit portfeli 54,1% artaraq 116,023 mln. manat, o cümlədən istehlak kreditlərinin həcmi 2,7 dəfə artaraq 26,881 mln. manat təşkil edib.

Bankdan bildirilib ki, bu müddət ərzində məcmu kapital 43,8% artaraq 18,535 mln. manata, o cümlədən nizamnamə kapitalı 17,9% artaraq 13,195 mln. manata çatıb.

Qeyd edək ki, 2009-cu ildə bankın ümumi gəlirləri 31,6% azalaraq 14,052 mln. manat, xərcləri isə 43,6% azalaraq 11,525 mln. manat olub. Nəticədə, bankın mənfəəti 19,2 dəfə artaraq 2,528 mln. manata çatıb.

Bundan başqa, ötən il ərzində bank tərəfindən əlavə 13 filial açılıb, həmçinin 7 bankomat və 81 POS-terminal quraşdırılıb.

Xatırladaq ki, «Zamin Bank» SKB 1992-ci ilin noyabrında yaradılıb. Bankın ölkə üzrə 35 filialı, həmçinin, 6 şöbəsi, 28 bankomatı və 1 891 POS-terminalı, həmçinin Rusiyada «Moskva» nümayəndəliyi fəaliyyət göstərir.