Maliyyə

Ana səhifə

Maliyyə

BVF: Azərbaycan hökumətinin 2010-cu ildə xərcləri artırmamaq niyyətini dəstəkləyirik

14 may 2010 15:21 (UTC +04:00)

Bakı. Nicat Mustafayev - APA-Economics. Beynəlxalq Valyuta Fondu (BVF) Azərbaycan hökuməti tərəfindən qlobal böhranın təsirinə qarşı görülən və makroiqtisadi və maliyyə sabitliyini, eləcə də sağlam ÜDM artımını saxlamağa kömək edən düzgün iqtisadi siyasət tədbirlərini dəstəkləyir.

«APA-Economics»in məlumatına görə, BVF Azərbaycan hökumətinə bundan sonra əsas məsələ kimi çətinliklə əldə edilmiş sabitliyi qoruyub saxlamaq və iqtisadi artım mənbələrini diversifikasiya etməyi məsləhət görür: «Biz Azərbaycanın xərclərin səmərəliliyini artırmaq imkanlarını və orta müddətdə büdcə davamlılığını təmin etmək üçün qeyri-neft kəsirini əhəmiyyətli dərəcədə azaltmağın zəruriliyini nəzərə alaraq, neftin qiymətinin büdcədə nəzərdə tutulandan yüksək olmasına baxmayaraq, 2010-cu ildə xərcləri artırmamaq niyyətini dəstəkləyirik. Xərclərin daha da şəffaflaşdırılması, eləcə də hazırkı xərc yükünün və dövlət müəssisələrinə maliyyə dəstəyinin məhdudlaşdırılması, vergidən azadolmaların azaldılması və vergi sisteminin sadələşdirilməsi üçün islahatlar aparılmalıdır».

BVF həmçinin Azərbaycanda maliyyə sektoru sağlamlaşdıqca və kreditvermənin artım tempi bərpa olduqca, ölkə hökumətinə böhranla bağlı olan likvidlik dəstəyindən tədricən uzaqlaşmağı tövsiyə edir ki, büdcə riskləri məhdudlaşdırılsın və inflyasiyanın yüksəlməsin.