Maliyyə

Ana səhifə

Maliyyə

Azərbaycan birja valyuta bazarının dövriyyəsi kəskin azalıb

17 may 2010 09:17 (UTC +04:00)

Bakı. Vahab Rzayev – APA-Economics. Azərbaycanda ABŞ dolları üzrə birja valyuta bazarının dövriyyəsi ötən həftə (mayın 11-14-də) 6,569 mln. dollar təşkil edib ki, bu da əvvəlki həftənin göstəricisindən 2,1 dəfə azdır. Bu müddət üzrə dolların orta birja məzənnəsi isə 0,8037 manata bərabər olub.

«APA-Economics»in məlumatına görə, ötən həftə ərzində birja dövriyyəsinin gündəlik göstəriciləri aşağıdakı kimi olub:

Müddətin yekunlarına görə, dolların birja məzənnəsi (Bakı Banklararası Valyuta Birjasının (BBVB) valyuta bölməsində keçirilən ticarət əməliyyatlarının nəticəsi üzrə orta göstərici) 0,01% artaraq 0,8037 manat təşkil edib. Dolların rəsmi məzənnəsi 0,01% artıb və 0,8036 manata bərabər olub:

Ötən həftə avronun məzənnəsinin kəskin azalması davam edib. Belə ki, avronun rəsmi məzənnəsi 1,7% azalaraq həftənin son gününə 1,0075 manat təşkil edib:

Qeyd edək ki, mayın 17-də avronun rəsmi məzənnəsi manatla paritetdən aşağı düşərək 0,9872 manata çatıb. Beləliklə, avro 7,5 illik minimuma enib.

Mayın əvvəlində başlamış avronun manata qarşı kəskin ucuzlaşması bir sıra Avropa ölkələrində dövlət borcunun artması ilə bağlı yaranmış problemlər səbəbindən dünya bazarlarında avronun dollara qarşı ucuzlaşmasının nəticəsidir.