Maliyyə

Ana səhifə

Maliyyə

«Bank Respublika»nın daha 6 əmanətçisi mükafat alıb

18 may 2010 12:39 (UTC +04:00)

Bakı. Elnur Hüseynquluyev – APA-Economics. Azərbaycanın «Bank Respublika» ASC-nin əmanətçiləri arasında keçirdiyi uduş kampaniyasının növbəti tirajında daha 6 qalib müəyyən olunub. Bankın baş ofisindən «APA-Economics»ə verilən məlumata görə, ötən aydan (aprel) başlayaraq bu ilin dekabr ayının 15-dək hər ay keçiriləcək uduş kampaniyasının əsas hədiyyələri 999,9 əyarlı qızıl külçələrdir.

Kampaniya çərçivəsində hər ay qızıl oynanılır. Əmanət hesabında ən azı 1 il müddətinə və 1000 manat (dollar və ya avro) məbləği olan hər bir əmanətçi kampaniyanın qalibi ola bilər. Əmanətin hər 1000 manatı uduş üçün 1 şans verir. Bankın əməkdaşları və səhmdarlarının əmanətləri kampaniyada iştirak etmir.

Qeyd edək ki, «Bank Respublika»nın əmanətçiləri əmanətin məbləğindən və müddətindən asılı olaraq 45 günədək faizsiz kredit xətti ilə «MasterCard» və «VISA» kartlarından, həmçinin pulsuz bank seyfindən istifadə edə bilərlər. Müştərilər bank hesabına səyahət və tibbi sığorta və güzəştli şərtlərlə kredit ala, eyni zamanda plastik kart hesablarını idarə etməyə imkan verən «Home Banking» və «MobilBank» xidmətinə qoşula bilərlər.

Xatırladaq ki, «Bank Respublika» 1992-ci ildən fəaliyyət göstərir. Bankın səhmdarları sırasında səhmdar kapitalının «25%+1 səhm» paketinə sahib olan Almaniyanın 2 nəhəng maliyyə təşkilatı – DEG İnvestisiya Şirkəti və «Sparkassen International Development Trust» şirkəti təmsil olunur.

Cari ilin aprel ayının 1-nə bankın aktivlərinin həcmi 334,484 mln. manat, depozit portfeli 153,807 mln. manat, kredit portfeli 177,032 mln. manat, məcmu kapitalı 56,049 mln. manat, o cümlədən nizamnamə kapitalı 30,578 mln. manat olub. Hazırda bankın ölkə üzrə 28 filialı, 44 bankomatı və 254 POS-terminalı mövcuddur.