Maliyyə

Ana səhifə

Maliyyə

İstanbulda beynəlxalq maliyyə sammiti keçiriləcək

30 iyul 2010 14:30 (UTC +04:00)

IFS əlaqə ofisinin İcra Komitəsinin baş katibi Bəstə Polatlının «APA-Economics»ə verdiyi məlumata görə, sammit Şimali Amerika, Avropa, Şərqi Asiya, körfəz ölkələrində fəaliyyət göstərən tanınmış maliyyə institutları və təşkilatlarının rəhbərlərini bir araya gətirəcək.

«PGlobal» və «Yedi24» Şirkətlər Qrupu tərəfindən Almaniyanın «Financial Gates GmbH.» şirkətinin iştirakı ilə təşkil edilən və hər il keçirilməsi planlaşdırılan İstanbul Maliyyə Sammiti Bahçaşəhər Universitetində düzənlənəcək.

Milli və beynəlxalq arenada öncül maliyyəçilərin qatılacağı «IFS-2010» sahəsində bir ilk olacaq. Sammit 9 fərqli panel iclas ilə reallaşdırılacaq. «IFS-2010» İstanbulun dünya maliyyə mərkəzinə çevrilməsi layihəsi çərçivəsində keçirilən ilk tədbirdir.

«Hədəf kütləsi olaraq təyin olunan bank rəhbərliklərinin, xüsusi sektor nümayəndələrinin, tənzimləyici qurumların, mütəxəssislərin və alimlərin bu sammitdə bir araya gəlməsi Türkiyə və İstanbul üçün bir fürsətdir», - deyə B.Polatlı bildirib.

Tədbirdə həmçinin dünyanın maliyyə sektorunda vəziyyət, dünya iqtisadiyyatının gələcəyi müzakirə olunacaq.

Sammitdə Türkiyənin dövlət naziri və baş nazir köməkçisi Əli Babacan, millət vəkili Cuneyt Yüksəl, Türkiyə xəzinə katibi İbrahim Çanaqçı, Sərmayə Bazarı Təşkilatı (SPK) rəhbəri Vedat Akgiray, Mərkəzi Bankın rəhbəri Durmuş Yılmaz, İstanbul Daşınan Qiymətlər Birjası (İMKB) başçısı Hüseyn Erkan, İstanbul Ticarət Palatasının (İTO) rəhbəri Murad Yalçıntaş, Almaniya Federal Maliyyə Nəzarəti İdarəsinin rəhbəri Yoxen Sanio (Jochen Sanio), Meksika Mərkəzi Bankının sədri Auqustin Karstens, İslam İnkişaf Bankının prezidenti Əhməd Məhəmməd Əli, Polşa Mərkəzi Bankı İdarə Heyətinin üzvü Zbiqnev Hockuba, «Citi Group»un baş iqtisadçısı Villiem Buiter və digər şəxslərin iştirakı gözlənilir.

Qeyd edək ki, Azərbaycanın APA İnformasiya Agentliyi «IFS-2010»un rəsmi media tərəfdaşı seçilib.