Maliyyə

Ana səhifə

Maliyyə

Azərbaycan Mərkəzi Bankının notları üzrə tələbat təklifi 6 dəfə üstələyir

16 avqust 2010 11:42 (UTC +04:00)

Bakı. Vahab Rzayev – APA-Economics. Azərbaycan Mərkəzi Bankının (AMB) qısamüddətli notlarının yerləşdirilməsi üzrə 2010-cu ilin birinci yarısında keçirilmiş 25 hərraca 111 mln. manat həcmində not çıxarılıb. «APA-Economics»in məlumatına görə, bu barədə Mərkəzi Bankın 2010-cu ilin yanvar-iyun ayları üzrə hazırladığı «Pul siyasəti İcmalı»nda deyilir və qeyd olunur ki, dövr ərzində hərrac və hərracdan kənar 108,6 mln. manat not yerləşdirilib.

Eyni zamanda, hərraclarda bankların sifarişlərinin həcmi 622,57 mln. manat təşkil edib ki, bu da, göründüyü kimi, təklifdən 5,6 dəfə çoxdur.

Nəticədə, ilin əvvəlindən etibarən notlar üzrə orta gəlirlik 1% həcmində müəyyənləşib ki, bu da həmin qiymətli kağızlar üzrə faiz dərəcəsinin tarixi minimumudur.

AMB-nin hesablamalarına görə, dövriyyədə olan notların həcmi son 1,5 il ərzində kəskin azalıb:

* Dövrün sonuna

Qeyd edək ki, bu göstəricilər Azərbaycanda yaranmış makroiqtisadi şəraitin nəticəsidir. Belə ki, dünya maliyyə böhranı və onun nəticələri səbəbindən ölkədə pul kütləsinin sterilizasiyasının zərurəti, demək olar, itib və əksinə olaraq, AMB bank sistemi vasitəsi ilə və birbaşa və dolayı alətlərdən istifadə edərək iqtisadiyyata əlavə likvidliyin verilməsi verilməsi siyasətinə keçib. Bu vəziyyətdə notların yerləşdirilməsinin artırılması məqsədəuyğun deyil.