Maliyyə

Ana səhifə

Maliyyə

«Başak İnam» sığorta şirkətinin mənfəəti son bir ildə 50% azalıb

26 avqust 2010 12:13 (UTC +04:00)

Bakı. Elnur Hüseynquluyev – APA-Economics. «Başak İnam» Azərbaycan-Türkiyə sığorta şirkətinin 2010-cu ilin yanvar-iyun aylarında topladığı sığorta daxilolmalarının həcmi 1,183 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 1,3% çoxdur.

Şirkətin Bakıdakı baş ofisindən «APA-Economics»ə verilən məlumata görə, hesabat dövründə şirkətin sığorta riskləri üzrə ödənişlərinin həcmi 8,5% azalaraq 443 min manat olub.

Daxilolmaların strukturunda ən çox sığorta haqqı «Əmlakın yanğından və digər risklərdən sığortası» (231 min manat) və «Fərdi qəza və xəstəliklərdən sığorta» (172 min manat) növləri üzrə toplanılıb ki, bu növlərin məcmu daxilolmalardakı payı müvafiq olaraq 20% və 15% təşkil edib.

Sığorta ödənişlərində isə ən çox vəsait «Kasko sığortası» (103,366 min manat və ya 23,3%) və «Tibbi sığorta» (78,466 min manat və ya 17,7%) növləri üzrə ödənilib.

Qeyd edə ki, bu ilin yanvar-iyun aylarında şirkətin əldə etdiyi mənfəətin həcmi 119,530 min manat təşkil edib və bu, ötən ilin birinci yarısı ilə müqayisədə 47% azdır.

Qeyd ki, təsisçisi Türkiyənin «Başak Sığorta» (49%) şirkəti və Azərbaycanın dövlət və kommersiya bankları (51%) olan «Başaq İnam» sığorta şirkəti 1996-cı ildən fəaliyyət göstərir. Şirkət müştərilərə 4 icbari və 27 könüllü sığorta növü üzrə xidmət göstərir.