Maliyyə

Ana səhifə

Maliyyə

«Bank Respublika» daha bir beynəlxalq pulköçürmə sisteminə qoşulub

07 sentyabr 2010 08:56 (UTC +04:00)

Bakı. Elnur Hüseynquluyev – APA-Economics. Azərbaycanın «Bank Respublika» ASC Rusiya rublu ilə həyata keçirilən pul köçürmələrinə artan tələbatı nəzərə alaraq «Bıstraya Poçta» beynəlxalq pulköçürmə sistemi üzrə xidmətlərə başlayıb.

Bankın baş ofisindən «APA-Economics»ə verilən məlumata görə, artıq müştərilər bu sistem vasitəsi ilə rubl ilə köçürmələr apara bilərlər. Qeyd edək ki, əvvəllər köçürmələr yalnız ABŞ dolları və avroda həyata keçirilib. Sistem üzrə pul köçürmələri maksimum 15 dəqiqə ərzində həyata keçirilir. Köçürmə edərkən və ya alarkən müştərilər bankdan qiymətli hədiyyələr alırlar.

Xatırladaq ki, 2010-cu ilin yanvar-iyun aylarında ölkə ərazisində «Bıstraya Poçta» sistemi üzrə həyata keçirilən əməliyyatların 23%-i «Bank Respublika»nın payına düşüb. Bu gün sistemin MDB ölkələri ərazisində xidmət məntəqələrinin sayı 6 mindən çoxdur.

«Bank Respublika» hzırda həmçinin «Western Union», «Coinstar», «PrivatMoney», «Xpress Money», «Blizko», «Allur» və «Zolotaya Korona» sistemləri üzrə xidmət göstərir.

«Bank Respublika» ASC 1992-ci ildən fəaliyyət göstərir. Bankın səhmdar kapitalında «25% + 1 səhm» paketi Almaniyanın DEG İnvestisiya Şirkəti və «Sparkassen International Development Trust» şirkətinə məxsusdur. Bankın ölkə üzrə 33 filialı mövcuddur.