Maliyyə

Ana səhifə

Maliyyə

Azərbaycandakı bankların aktivlər üzrə renkinqi

07 sentyabr 2010 13:11 (UTC +04:00)

Bakı. Elnur Hüseynquluyev – APA-Economics. Bu gündən etibarən «APA-Economics» Azərbaycanda fəaliyyət göstərən bank kredit təşkilatlarının 2010-cu ilin iyul ayının 1-nə müxtəlif maliyyə göstəriciləri üzrə renkinqlərinin hazırlanmasına başlayır.

Layihənin əsas məqsədi Azərbaycandakı bankların maliyyə-təsərrüfat fəaliyyəti və onun nəticələri haqqında ictimaiyyətin və potensial investorların məlumatlandırılmasıdır.

Layihənin ilk komponenti bankların aktivlər üzrə renkinqinin tərtib olunmasıdır. Aşağıdakı cədvəldə ölkədəki banklar 2010-cu il iyul ayının 1-nə olan aktivlərinin həcminə görə sıralanıb:

(mln. AZN)

Banklar		Aktivlər
1	Azərbaycan Beynəlxalq Bankı	5 298,241
2	Kapital Bank	682,085
3	Bank Standard	571,948
4	Xalq Bank	480,021
5	Texnikabank	452,783
6	Unibank	341,857
7	Paşa Bank	340,720
8	AccessBank	338,240
9	Bank Respublika	305,223
10	DəmirBank	295,358
11	AGBank	255,134
12	Bank of Baku	216,418
13	AtaBank	205,825
14	Zamin Bank	199,318
15	Nikoil Bank	182,059
16	Muğan Bank	171,618
17	YapıKredi Bank Azerbaijan	171,168
18	Bank of Azerbaijan	159,984
19	Royal Bank	156,814
20	Turanbank	119,990
21	Rabitabank	111,598
22	Azərbaycan Sənaye Bankı	111,002
23	Parabank	102,942
24	Amrahbank	87,283
25	Expressbank	76,329
26	Kredo Bank	67,496
27	Birlik Bank	53,803
28	SilkWay Bank	47,925
29	NBC Bank	46,792
30	Azər-Türk Bank	46,324
31	Bank Avrasiya	46,031
32	Gəncəbank	42,502
33	Melli İran Bankı - Bakı	41,296
34	United Credit Bank	40,468
35	Qafqaz İnkişaf Bankı	39,288
36	Deka Bank	35,872
37	Atrabank	35,710
38	Günaybank	33,346
39	EuroBank	29,677
40	Azərbaycan Kredit Bankı	23,546
41	Kövsər Bank	17,984
42	AFB Bank*	-
43	BTB Bank*	-
44	VTB Bank Azerbaijan*	-
45	Naxçıvan Bank*	-
46	Debut Bank*	-
47	Pakistan Milli Bankı – Bakı*	-

Cədvəldən göründüyü kimi, hazırda Azərbaycanda faktiki olaraq 47 bank kredit təşkilatı fəaliyyət göstərsə də, «APA-Economics»in renkinqində yalnız 41 bankın aktivləri əks olunub. Bu, digər bankların KİV-lə əməkdaşlıqdan imtina etməsi, maliyyə göstəricilərini təqdim etməməsi və digər subyektiv səbəblərlə bağlıdır.

Aktivlərin renkinqinə gəldikdə isə, gözlənildiyi kimi, ilk yeri Azərbaycan və regionun ən iri bank təşkilatı olan Azərbaycan Beynəlxalq Bankı (ABB) tutub. Əsasən dövlət mülkiyyətində (50,2%) olan bu bankın aktivlərinin durmadan artması bankın inkişafı, filial şəbəkəsinin geniş olması, əsas dövlət qurumlarına xidmət göstərməsi və s. obyektiv səbəblərlə əsaslandırılır. Bu gün Azərbaycanda yalnız ABB-nin aktivlərinin həcmi milyard manatla (təqribən 6,591 mlrd. ABŞ dolları) ölçülür.

Cədvəldən göründüyü kimi, yalnız 13 bankın aktivlərinin həcmi 200 mln. manat (01.07.2010-cu il vəziyyətinə - 248,787 mln. ABŞ dolları), daha 10 bankın aktivləri 100 mln. manat həddini (124,393 mln. ABŞ dolları), 4 bankın aktivləri isə 50 mln. manat (62,197 mln. ABŞ dolları) həddini üstələyib.