Maliyyə

Ana səhifə

Maliyyə

Azərbaycan iqtisadiyyatına daha çox sərmayə yatıran ölkələrin renkinqi

29 oktyabr 2010 07:55 (UTC +04:00)

«APA-Economics»in Dövlət Statistika Komitəsinə istinadən verdiyi məlumata görə, hesabat dövründə Böyük Britaniyanın Azərbaycana yatırdığı investisiyaların həcmi 728 501,6 min manat təşkil edib ki, ötən ilin eyni dövrü ilə müqayisədə bu göstərici 74,7% artıb.

Siyahıda ikinci yerdə ABŞ qərarlaşıb. Belə ki, yanvar-sentyabr aylarında ABŞ-ın Azərbaycanın əsas kapitalına yatırdığı investisiyaların həcmi 2009-cu ilin analoji dövrü ilə müqayisədə 71,2% artaraq 248 699,2 min manata çatıb.

Siyahıda üçüncü yerdə ötən ilki kimi Yaponiya, daha sonra Norveç və Türkiyə qərarlaşıb. Hesabat dövründə Yaponiya investorları tərəfindən Azərbaycana 130 113,5 min manat (+72,1%), Norveç investorları tərəfindən 80 696,4 min manat (+71,3%), Türkiyə investorları tərəfindən isə 70 104,9 min manat (+87,3%) sərmayə yatırılıb.

Siyahının ilk onluğunu 28 981,4 min manat investisiya yönəldmiş Fransa, 21 654,6 min manatla Cənubi Koreya, 5 068,0 min manatla Çexiya, 3 359,3 min manatla Səudiyyə Ərəbistanı və 1 937,2 min manatla Rusiya tamamlayır.

Qeyd edək ki, hesabat dövründə Azərbaycanın əsas kapitalına yönəldilmiş xarici investisiyaların ümumi həcmi 1 399,8 mln. manat təşkil edib. Bu da ötən ilin analoji dövrü ilə müqayisədə 48,7% çoxdur.

Azərbaycanın əsas kapitalına vəsait yatırmış investorların ilk onluğu

	Ölkə	yanvar-sentyabr, 2010-cu il (min manat)	Ümumi həcmdə xüsusi çəkisi (%)
1	Böyük Britaniya	728 501,6	52,0
2	ABŞ	248 699,2	17,8
3	Yaponiya	130 113,5	9,3
4	Norveç	80 696,4	5,8
5	Türkiyə	70 104,9	5,0
6	Fransa	28 981,4	2,1
7	Koreya Respublikası	21 654,6	1,5
8	Çexiya	5 068,0	0,4
9	Səudiyyə Ərəbistanı	3 359,3	0,3
10	Rusiya	1 937,2	0,1