2026-cı il futbol üzrə dünya çempionatının D qrupunda mübarizə aparan Türkiyə millisinin Avstraliyaya qarşı oyunu ölkənin müxtəlif şəhərlərində böyük maraqla izlənilib.
APA-nın Türkiyə bürosunun xəbərinə görə, qrup mərhələsinin ikinci turu çərçivəsində keçirilən qarşılaşmada Türkiyə yığmasına dəstək olmaq üçün minlərlə azarkeş küçələrə və meydanlara toplaşıb.
Vankuverdə baş tutan görüş Türkiyə vaxtı ilə səhər saat 07:00-da başlamasına baxmayaraq, vətəndaşlar günün erkən saatlarından etibarən müxtəlif şəhərlərdə yaradılmış ictimai izləmə məkanlarına axışıblar.
Meydanlarda və açıq hava ekranlarının quraşdırıldığı ərazilərdə izdiham müşahidə olunub, azarkeşlər milli komandanı birlikdə dəstəkləyiblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
