Maliyyə

Ana səhifə

Maliyyə

«Bank SilkWay» son bir ildə mənfəətini 36% artırıb

01 noyabr 2010 08:11 (UTC +04:00)

Bakı. Elnur Hüseynquluyev – APA-Economics. Azərbaycanın «Bank SilkWay» ASC-nin aktivlərinin həcmi 2010-cu il oktyabr ayının 1-nə 50,096 mln. manat təşkil edib ki, bu da ötən ilin oktyabrın 1-nə olan analoji göstəricidən 27% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın depozit portfeli 40% azalaraq 8,252 mln. manat, o cümlədən əhalinin əmanətləri 60% azalaraq 2,639 mln. manat olub. Bankın kredit portfeli 12% artaraq 34,286 mln. manat, o cümlədən istehlak kreditlərinin həcmi 2,4 dəfə artaraq 4,514 mln. manat olub. Eyni zamanda, bankın məcmu kapitalı 59% artaraq 34,432 mln. manat, o cümlədən nizamnamə kapitalı 61% artaraq 32,190 mln. manat təşkil edib.

Qeyd edək ki, son bir il ərzində bankın məcmu gəlirləri 69% artaraq 5,337 mln. manat, xərcləri isə təxminən 2 dəfə artaraq 3,652 mln. manata çatıb. Nəticədə, bankın mənfəəti 36% artaraq 1,685 mln. manat təşkil edib.

Bu müddət ərzində bankın müştərilərinin sayı 36% azalaraq 5 546-ya, o cümlədən fiziki şəxslərin sayı 32% azalaraq 5 376-ya, hüquqi şəxslərin sayı isə 79% artaraq 170-ə çatıb.

Hesabat dövründə bankın işçilərinin sayı 14% artaraq 104 nəfər, orta aylıq əmək haqqı isə 26% artaraq 1 071 manat təşkil edib. Bununla yanaşı, bankın cəmi aktiv plastik kartlarının sayı 14% artaraq 5 343, o cümlədən debet xarakterli kartların sayı 13% artaraq 5 321, kredit kartlarının sayı isə 3,3 dəfə artaraq 23 ədəd olub.

Xatırladaq ki, «Bank SilkWay» ASC 1993-cü ildə «Azal Bank» kimi yaradılıb. Bankın respublika üzrə 8 filialı, 19 bankomatı və 24 POS-terminalı fəaliyyət göstərir.