Maliyyə

Maliyyə

Azərbaycandakı bankların aktivlər üzrə renkinqi

22 noyabr 2010 08:30 (UTC +04:00)

Bakı. Elnur Hüseynquluyev – APA-Economics. Bu gündən etibarən «APA-Economics» Azərbaycanda fəaliyyət göstərən bank kredit təşkilatlarının 2010-cu ilin oktyabr ayının 1-nə müxtəlif maliyyə göstəriciləri üzrə renkinqlərinin hazırlanmasına başlayır.

Layihənin əsas məqsədi Azərbaycandakı bankların maliyyə-təsərrüfat fəaliyyəti və onun nəticələri haqqında ictimaiyyətin və potensial investorların məlumatlandırılmasıdır.

Layihənin ilk komponenti bankların aktivlər üzrə renkinqinin tərtib olunmasıdır. Aşağıdakı cədvəldə ölkədəki banklar 2010-cu il oktyabr ayının 1-nə olan aktivlərinin həcminə görə sıralanıb:

(mln. AZN)

Banklar		Aktivlər
1	Azərbaycan Beynəlxalq Bankı	5 095,393
2	Kapital Bank	660,799
3	Bank Standard	589,361
4	Xalq Bank	511,713
5	Texnikabank	472,940
6	Paşa Bank	381,120
7	AccessBank	376,060
8	Unibank	358,884
9	DəmirBank	299,593
10	Bank Respublika	279,067
11	AGBank	250,371
12	Bank of Baku	228,930
13	AtaBank	217,480
14	Zamin Bank	216,535
15	Expressbank	202,352
16	Muğan Bank	193,195
17	Bank Nikoil	186,250
18	Royal Bank	174,850
19	YapıKredi Bank Azerbaijan	171,224
20	Bank of Azerbaijan	166,482
21	Turanbank	126,485
22	Rabitabank	116,876
23	Azərbaycan Sənaye Bankı	111,927
24	Parabank	107,689
25	Kredo Bank	86,145
26	Amrahbank	84,531
27	Bank Avrasiya	55,190
28	Azər-Türk Bank	53,545
29	SilkWay Bank	50,096
30	NBC Bank	47,594
31	Bank Melli İran - Bakı	42,679
32	Gəncəbank	40,947
33	United Credit Bank	40,090
34	Atrabank	37,071
35	Deka Bank	36,376
36	Günaybank	35,333
37	Qafqaz İnkişaf Bankı	34,836
38	VTB Azerbaijan	27,832
39	EuroBank	24,922
40	Kövsər Bank	21,843
41	Azərbaycan Kredit Bankı*	-
42	Birlik Bank*	-
43	AFB Bank*	-
44	Pakistan Milli Bankı - Bakı*	-
45	Naxçıvan Bank*	-
46	Debut Bank*	-
47	BTB Bank*	-

* Bu banklar göstəricilərini təqdim etməyib

Cədvəldən göründüyü kimi, hazırda Azərbaycanda faktiki olaraq 47 bank kredit təşkilatı fəaliyyət göstərsə də, «APA-Economics»in renkinqində yalnız 40 bankın aktivləri əks olunub. Bu, digər bankların KİV-lə əməkdaşlıqdan imtina etməsi, maliyyə göstəricilərini təqdim etməməsi və digər subyektiv səbəblərlə bağlıdır.
Aktivlərin renkinqinə gəldikdə isə, gözlənildiyi kimi, ilk yeri Azərbaycan və regionun ən iri bank təşkilatı olan Azərbaycan Beynəlxalq Bankı (ABB) tutub. Əsasən dövlət mülkiyyətində (50,2%) olan bu bankın aktivlərinin durmadan artması bankın inkişafı, filial şəbəkəsinin geniş olması, əsas dövlət qurumlarına xidmət göstərməsi və s. obyektiv səbəblərlə əsaslandırılır. Bu gün Azərbaycanda yalnız ABB-nin aktivlərinin həcmi milyard manatla (təqribən 6,350 mlrd. ABŞ dolları) ölçülür.

Cədvəldən göründüyü kimi, yalnız 15 bankda aktivlərin həcmi 200 mln. manat (01.10.2010-cu il vəziyyətinə - 249,252 mln. ABŞ dolları), daha 9 bankda aktivlər 100 mln. manat (124,626 mln. ABŞ dolları), 5 bankda isə 50 mln. manat (62,313 mln. ABŞ dolları) həddini üstələyib.