Maliyyə

Ana səhifə

Maliyyə

«Bank of Baku» dövlət vəsaiti hesabına ipoteka proqramını bərpa edib

07 yanvar 2011 07:19 (UTC +04:00)

Bakı. Vahab Rzayev – APA-Economics. «Bank of Baku» ASC Azərbaycan İpoteka Fondunun vəsaitləri hesabına ipoteka kreditlərinin verilməsinə yenidən başlayıb. Bankdan «APA-Economics»ə verilən məlumata görə, ipoteka kreditinin maksimal məbləği 50 min manat, maksimal müddəti 25 il, minimal ilkin ödəniş isə mənzilin qiymətinin 20%-ni təşkil edir.

Bundan başqa, kreditin şərtlərinə əsasən, ərizəçinin yaşı 18-dən pensiya yaşına qədər (kredit öhdəliyinin sonuncu ödəniş tarixinə qanınlar üçün – 60, kişilər üçün isə 63 yaşa qədər) olmalı, ərizəçinin iş yeri Bakı şəhərində yerləşən və sabit maliyyə durumu olan özəl/dövlət müəssisələri olmalıdır, kreditin faiz dərəcəsi isə illik 8% təşkil edir. Kredit yalnız Bakı və Xırdalan şəhərlərində, həmçinin bankın filial şəbəkəsi təqdim olunan regionlarda ilkin və təkrar mənzilin alınması üçün ayrılır. Kreditin təminatı kimi alınan ev (alınan ev yeni tikilidə olduqda isə Bakı və Xırdalan şəhərlərində, həmçinin, bankın filial şəbəkəsi təqdim olunan regionlarda yerləşən digər ev) çıxış edir.

Xatırladaq ki, 2010-cu ilin iyul ayından etibarən «Bank of Baku» daxili ipoteka kreditləşməsi proqramı çərçivəsində əhaliyə ipoteka kreditlərinin verilməsinə start verib.