Bank Of Baku

«AXA MBASK» şirkəti avtoqəza üzrə növbəti iri sığorta ödənişini edib

«AXA MBASK» şirkəti avtoqəza üzrə növbəti iri sığorta ödənişini edib
# 12 yanvar 2011 07:33 (UTC +04:00)
Bakı. Elnur Hüseynquluyev – APA-Economics. «AXA MBASK» sığorta şirkəti «Chevrolet Cruze» avtomobilinin sığortaçısına 18 250 manat həcmində növbəti iri sığorta ödənişini həyata keçirib.

Şirkətin baş ofisindən «APA-Economics»ə verilən məlumata görə, ümumilikdə 2010-cu il ərzində şirkət tərəfindən 3,535 mln. manatdan artıq məbləğdə ödəniş həyata keçirilib və bunun 2,366 mln. manatı və ya 67%-i avtonəqliyyat vasitələrinin sığortalanması üzrə polislərin payına düşüb.

Xatırladaq ki, ötən ilin oktyabr ayında «MBASK» sığorta şirkətinin nəzarət səhm paketi (51%) «AXA Group»un (Fransa) törəmə şirkəti olan «AXA Sequros generales S.A, De Sequros Y Reasequros» (İspaniya) şirkətinə satılıb. Şirkətin səhmlərinin 49%-i isə yerli fiziki şəxsə məxsusdur.

«AXA MBASK» sığorta şirkəti 1992-ci ildən «MBASK» sığorta şirkəti adı ilə fəaliyyətə başlayıb. Cari ilin yanvar ayının 1-nə şirkətin nizamnamə kapitalı 5,730 mln. manat təşkil edir. Şirkət 29 sığorta növü üzrə xidmət göstərir.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR