Maliyyə

Ana səhifə

Maliyyə

Fransa avronun xilası üçün Böyük Britaniyadan kömək istəyib

13 yanvar 2011 13:40 (UTC +04:00)

Bakı - APA-Economics. Fransanın baş naziri Fransua Fiyon Böyük Britaniyanı avronun xilası üçün səyləri dəstəkləməyə və böyük Avropa inteqrasiyası yolunda addım atmağa çağırıb.

“APA-Economics”in “Associated Press”ə istinadən xəbərinə görə, baş nazir Britaniya mətbuatına müsahibəsində bildirib ki, avronun süqutu avrozonaya daxil olmayan Böyük Britaniya üçün fəlakət olacaq.

“Çünki bu hadisə Böyük Britaniya, Fransa və Almaniyanın iqtisadi inkişafının lokomotivlərindən biri olan Avropanın daxili bazarının əhəmiyyətli dərəcədə zəifləməsi ilə nəticələnəcək” - deyə F.Fiyon qeyd edib.

Qeyd edək ki, Fransa baş naziri bu bəyanatı Böyük Britaniyaya səfəri ərəfəsində səsləndirib. Birləşmiş Krallıq hələ də milli pul vahidi olan funt-sterlinqdən istifadə edir və ondan avronun xeyrinə imtina etməyi planlaşdırmır.