Maliyyə

Ana səhifə

Maliyyə

«Expressbank» ötən il aktivlərini 90% artırıb

18 yanvar 2011 13:08 (UTC +04:00)

Bakı. Elnur Hüseynquluyev – APA-Economics. Azərbaycanın «Expressbank» ASC-nin aktivlərinin həcmi 2011-ci il yanvar ayının 1-nə 135,153 mln. manat təşkil edib ki, bu da 2010-cu ilin əvvəli ilə müqayisədə 90% çoxdur.

Bankın baş ofisindən «APA-Economics»ə verilən məlumata görə, hesabat ilində bankın depozit portfeli 68% artaraq 74,291 mln. manata, o cümlədən əhalinin əmanətləri təxminən 4,7% genişlənərək 12,988 mln. manata, müddətli depozitlər 4,3% artaraq 13,006 mln. manata, tələb olunanadək depozitlər isə 93% artaraq 61,284 mln. manata çatıb.

Həmçinin, bankın kredit portfeli 2,4 dəfə artaraq 49,371 mln. manat, o cümlədən istehlak kreditlərinin həcmi 36,3% artaraq 12,618 mln. manat, 12 ayadək müddətə verilmiş kreditlərin həcmi 2,2 dəfə artaraq 29,799 mln. manat, 12 aydan artıq müddətə verilən kreditlərin həcmi isə 2,8 dəfə artaraq 19,572 mln. manat təşkil edib.

Təhlil olunan dövrdə bankın məcmu kapitalı 2,2 dəfə artaraq 58,297 mln. manat, o cümlədən nizamnamə kapitalı 2 dəfə artaraq 51 mln. manata çatıb.

Qeyd edək ki, 2010-cu ildə bankın ümumi gəlirləri 2,4 dəfə artaraq 17,567 mln. manat, o cümlədən faiz gəlirləri 2,9 dəfə artaraq 8,755 mln. manat, qeyri-faiz gəlirləri 2,1 dəfə artaraq 8,812 mln. manat olub. Eyni zamanda, bankın xərcləri 67,1% artaraq 10,914 mln. manata, o cümlədən faiz xərcləri 84% artaraq 1,964 mln. manata, qeyri-faiz xərcləri isə 92% artaraq 6,443 mln. manata çatıb. Nəticədə, ötən il bankın mənfəəti 8,5 dəfə artaraq 6,756 mln. manat, xalis mənfəəti isə 8,6 dəfə artaraq 6,653 mln. manat təşkil edib.

Həmçinin, bu dövr ərzində bankın PR və marketinq xərclərinin həcmi 8,1 dəfə artaraq 56,930 min manata çatıb.

Bununla yanaşı, bankın cəmi müştərilərinin sayı 54% artaraq 32 348-ə, aktiv plastik kartlarının sayı 50% artaraq 25 701-ə, işçilərin sayı isə 39% artaraq 189-a çatıb.

Xatırladaq ki, «Expressbank» ASC 1989-cu ildən 2010-cu ilin mart ayınadək «Azərnəqliyyatbank» adı ilə fəaliyyət göstərib. Bankın səhmlərinin 100%-i hüquqi şəxslərə məxsusdur. Hazırda bankın respublika üzrə 8 filialı, 32 bankomatı və 8 POS-terminalı fəaliyyət göstərir.