Maliyyə

Ana səhifə

Maliyyə

Maliyyə Nazirliyi vakant dövlət qulluğu vəzifəsinin tutulması ilə bağlı müsahibə elan edib

19 yanvar 2011 13:02 (UTC +04:00)

Bakı. Nicat Mustafayev - APA-Economics. Azərbaycan Maliyyə Nazirliyi vakant dövlət qulluğu vəzifəsinin tutulması ilə bağlı müsahibə elan edib.

Nazirlikdən «APA-Economics»ə verilən məlumata görə, müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifədə qulluq keçən və ixtisas dərəcəsinə malik olan Maliyyə Nazirliyinin dövlət qulluqçuları iştirak edə bilərlər.

Müsahibədə iştirak etmək üçün ərizələrin qəbulu yanvarın 19-dan fevralın 2-dək Maliyyə Nazirliyinin aparatının Kadrlar şöbəsində aparılır. İddiaçılar ərizələri şəxsən (bazar ertəsi - cümə günləri saat 09:00-dan 13:00-dək və 14:00 dan 18:00-dək), yaxud poçt vasitəsilə təqdim edilə bilər.

Müsahibə zamanı müsahibədə iştirak edən dövlət qulluqçusunun bilik səviyyəsi, peşə hazırlığı, ümumi dünyagörüşü, barəsində müsahibə elan edilən vəzifə üçün zəruri olan şəxsi keyfiyyətləri yoxlanılmaqla müvafiq vəzifəyə uyğunluğu müəyyən ediləcək. Müsahibədə ixtisas dərəcəsi, attestasiyanın nəticələri, müvafiq vəzifənin tələblərinə uyğun olaraq təkrar hazırlıq keçirilməsi və ixtisasın artırılması da nəzərə alınacaq.

Qeyd edək ki, vakant yer Nazirliyin Sosial təyinatlı layihələrin maliyyəsi şöbəsinin Büdcə vəsaiti hesabına maliyyələşdirilən layihələr üzrə iş sektorunda baş məsləhətçi vəzifəsidir. Bu vəzifədə aylıq əmək haqqı 430 manat məbləğində təyin edilib. Sözügedən vəzifənin qulluq funksiyalarına sosial təyinatlı layihələr üzrə dövlət əsaslı vəsait qoyuluşu xərclərinin bölgüsünün tərtibi və icrası qaydalarının təkmilləşdirilməsi üçün təkliflərin hazırlanmasında iştirak edilməsi, dövlət əsaslı vəsait qoyuluşu xərclərinin bölgüsündə nəzərdə tutulan sosial təyinatlı layihələr üzrə qüvvədə olan qanunvericiliyə uyğun olaraq tender komissiyalarında iştirak edilməsi, sosial təyinatlı layihələr üzrə sifarişçi təşkilatlar tərəfindən təqdim edilmiş sənədlər əsasında obyektlərin maliyyələşdirilməsi üçün materialları araşdırmaq, ödənişin mümkünlüyü barədə şöbənin rəhbərliyinə təkliflərin hazırlanması, icrası ona həvalə edilən məktub, ərizə və şikayətlərə baxaraq, onların vaxtında və keyfiyyətlə icra edilməsinə cavabdehlik daşıması, həmçinin vəzifəsi üzrə şöbə müdiri və müdir müavini tərəfindən verilən tapşırıqların yerinə yetirilməsi daxildir. Vəzifənin tutulması şərtlərinə iqtisadiyyat və idarəetmə ixtisas istiqaməti üzrə ali təhsil, maliyyə sahəsində 2 il iş stajı, rus dilinin və «MS Windows», «MS Office» orta səviyyədə bilməsi daxildir.

Əlaqə telefonu: (+994 12) 404-46-99.
E-mail: [email protected]