Maliyyə

Ana səhifə

Maliyyə

«Bank SilkWay» ötən il aktivlərini 6 dəfə artırıb

19 yanvar 2011 13:23 (UTC +04:00)

Bakı. Elnur Hüseynquluyev – APA-Economics. Azərbaycanın «Bank SilkWay» ASC-nin aktivlərinin həcmi 2011-ci il yanvar ayının 1-nə 250,87 mln. manat təşkil edib ki, bu da 2010-cu ilin əvvəlinə nisbətən 5,5 dəfə çoxdur.

Bankın baş ofisindən «APA-Economics»ə verilən məlumata görə, hesabat ilində bankın depozit portfeli 73,8% artaraq 11,566 mln. manat, o cümlədən əhalinin əmanətləri 3,96 dəfə artaraq 3,484 mln. manat, müddətli depozitlər 26,3% artaraq 480 min manat, tələb olunanadək depozitlərin həcmi isə 40,9% artaraq 7,602 mln. manata çatıb.

Bankın kredit portfeli 8 dəfə artaraq 230,434 mln. manat, o cümlədən istehlak kreditlərinin həcmi 30,8% artaraq 4,299 mln. manat, 12 ayadək verilmiş kreditlərin həcmi 60,4% azalaraq 8,867 mln. manat, 12 aydan artıq müddətə verilmiş kreditlərin həcmi 75 dəfə artaraq 216,349 mln. manat olub.

Eyni zamanda, bankın məcmu kapitalı 58,2% artaraq 35,657 mln. manat, o cümlədən nizamnamə kapitalı 61% artaraq 32,190 mln. manat olub.

Qeyd edək ki, ötən il ərzində bankın məcmu gəlirləri 63,7% artaraq 7,899 mln. manat, o cümlədən faiz gəlirləri 58,3% artaraq 5,332 mln. manat, qeyri-faiz gəlirləri 76,2% artaraq 2,567 mln. manat təşkil edib. Xərclər isə təxminən 2 dəfə artaraq 3,919 mln. manata, o cümlədən faiz xərcləri 2,3 dəfə artaraq 937 min manata, qeyri-faiz xərcləri 89,6% artaraq 2,982 mln. manata çatıb. Nəticədə, ötən il bankın mənfəəti 31,9% artaraq 2,901 mln. manat təşkil edib.

Hesabat ilində bankın işçilərinin sayı sabit qalaraq 104 nəfər, orta aylıq əmək haqqı isə 53,9% artaraq 1 267 manat təşkil edib.

Xatırladaq ki, «Bank SilkWay» ASC 1993-cü ildə «Azal Bank» kimi yaradılıb. Bankın respublika üzrə 8 filialı, 19 bankomatı və 30 POS-terminalı fəaliyyət göstərir.