Maliyyə

Ana səhifə

Maliyyə

«DəmirBank» ötən il aktivlərini 28% artırıb

07 fevral 2011 07:49 (UTC +04:00)

Bakı. Elnur Hüseynquluyev – APA-Economics. Azərbaycanın «DəmirBank» ASC-nin aktivlərinin həcmi 2011-ci il yanvar ayının 1-nə 340,381 mln. manat təşkil edib ki, bu da 2010-cu ilin əvvəlinə olan göstəriciyə nisbətən 28% çoxdur.

Bankın baş ofisindən «APA-Economics»ə verilən məlumata görə, hesabat ilində bankın depozit portfeli 53% genişlənərək 145,828 mln. manat, o cümlədən əhalinin əmanətləri 21% artaraq 85,644 mln. manat, kredit portfeli 24% artaraq 246,172 mln. manat, o cümlədən istehlak kreditlərinin həcmi 1,5% azalaraq 60,754 mln. manat, 12 ayadək verilmiş kreditlər 17,3% artaraq 94,932 mln. manat, 12 aydan artıq müddətə verilmiş kreditlər 28% artaraq 151,240 mln. manat, vaxtı keçmiş kreditlərin həcmi 45% artaraq 13,047 mln. manat olub.

Hesabat dövründə bankın məcmu kapitalı 4,8% artaraq 48,838 mln. manat, o cümlədən nizamnamə kapitalı 11% artaraq 20 mln. manat təşkil edib.

Qeyd edək ki, ötən il bankın ümumi gəlirləri 3,9% artaraq 41,248 mln. manat, xərcləri isə 15% artaraq 39,243 mln. manat olub. Nəticədə, 2010-cu ildə bankın mənfəəti 63% azalaraq 2,041 mln. manat, xalis mənfəəti isə 68% azalaraq 1,682 mln. manat təşkil edib.

Xatırladaq ki, «DəmirBank» (əvvəlki «Azərdəmiryolbank») 1989-cu ildə fəaliyyətə başlayıb. Bankın səhmdarları sırasına Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. Cari ilin əvvəlinə bankın 30 filialı, 50 bankomatı və 245 POS-terminalı olub.