Bank Of Baku

“Bank Standard” iyulun 15-dən plastik kartlar üzrə yeni kampaniyaya başlayır

“Bank Standard” iyulun 15-dən plastik kartlar üzrə yeni kampaniyaya başlayır
# 12 iyul 2011 09:17 (UTC +04:00)
Bakı. Elnur Hüseynquluyev - APA-Economics. Azərbaycanın «Bank Standard» QSC bu ilin iyul ayının 15-dən plastik kartlar üzrə yeni kampaniyaya start verir.

Bankın baş ofisindən «APA-Economics»ə verilən məlumata görə, kampaniya «Kartla ödə, «Black Berry» qazan!» adını daşıyır və «Bank Standard» tərəfindən buraxılmış bütün kartların sahiblərini əhatə edir.

Lotereya kimi nəzərdə tutulan həmin kampaniyanın uduş fondunu 10 ədəd «Black Berry Torch 9800» mobil telefonu təşkil edir. Bu ilin oktyabr ayının 15-dək keçiriləcək kampaniyada iştirak etmək istəyən müştərilər «Bank Standard» kartları ilə POS-terminal, bankomat (ATM), habelə «Mobile Banking» xidməti vasitəsilə və ya İnternetdə ödəniş apararaq lotereya şansları qazanırlar. Belə ki, ödənilmiş məbləğin hər 50 şərti vahidi (manat, dollar, funt sterlinq, avro) müqabilində kart sahibi bir lotereya şansı əldə edir. Lotereyanın tirajı bu ilin oktyabrın 28-də «Bank Standard» baş ofisində keçiriləcək.

Xatırladaq ki, «AB Standard» Şirkətlər Qrupuna daxil olan «Bank Standard» 1995-ci ildən fəaliyyət göstərir. Bankın ölkə üzrə 16 filialı, 67 bankomatı, 420 POS-terminalı və 437 işçisi mövcuddur.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR