Maliyyə

Ana səhifə

Maliyyə

Azərbaycanda İslam bankçılığının tətbiqi ilə bağlı qanunvericiliyə dəyişikliklərlə bağlı təkliflər hazırlanıb

02 dekabr 2011 09:57 (UTC +04:00)

«APA-Economics»in məlumatına görə, bunu IV Bakı Beynəlxalq Bank Konfransının (1-2 dekabr) ikinci günü İslam bankçılığına həsr olunmuş sessiyasında Qrupunun rəhbəri Bəhnam Qurbanzadə bəyan edib.

B.Qurbanzadə çıxışında bildirib ki, ABB İslam bankçılığı ilə bağlı işləri İslam İnkişaf Korporasiyasının dəstəyi ilə hələ 2002-ci ildə başlayıb və ardıcıl 6 il ərzində bazar araşdırılmaları və digər hazırlıq işləri həyata keçirib və maliyyə xətti əsasında bir sıra layihələri maliyyələşdirib. Lakin miqyasın genişləndirilməsi üçün xüsusi bölmənin yaradılması zərurəti yaranıb və hazırda bu istiqamətində iş aparılır.

B.Qurbanzadə bildirib ki, ötən həftə Qrup və məsləhətçilər qanunvericiliyin araşdırılmasını başa çatdırıb və məlum olub ki, hətta qanunvericiliyin hazırkı vəziyyətində İslam bankçılığının 6 alətinin tətbiqi mümkündür. Lakin onun tam tətbiqi üçün bank, vergi və digər sahələr üzrə qanunvericiliyə əlavələrin edilməsi zəruridir. Ümumiyyətlə, B.Qurbanzadənin sözlərinə görə, İslam bankçılığının tam şəkildə tətbiqi üçün mütləq dövlətin dəstəyi tələb olunur.

B.Qurbanzadə qeyd edib ki, İslam bankşılığının tətbiqi ABB-nin yerli bazarda pərakəndə vəsaitlərin cəlb edilməsi strategiyasının həyata keçirilməsinə də əlavə dəstək olacaq.

Qeyd edək ki, sessiya çərçivəsində bir sıra dünya miqyaslı İslam maliyyə qurumlarının nümayəndələri çıxış edib və öz çıxışlarında İslam bankçılığının dünyada sürətlə inkişaf etdiyini və MDB məkanında, o cümlədən Azərbaycanda böyük potensiala malik olduğunu vurğulayıblar. Hesablamalara görə, dünyada İslam maliyyəsinin həcmi yaxın 5 ildə 2 trln. dollara çatacaq.

Xatırladaq ki, ABB-də İslam bankçılığının tətbiqi ilə bağlı məsləhətçiNİN seçilməsi üçün keçirilən tenderdə Azərbaycanın «Ekvita» şirkəti ilə «Islamic Finance Advisory Assurance Services» şirkətinin alyansı, «Ernst&Young»/«Baker McKenzie» alyansı, «PricewaterhouseCoopers», həmçinin «Salans», «Pinsent Masons», «KPMG» və «Dar Al Shariah» şirkətlərin konsorsiumu iştirak edib. Nəticədə, «Salans», «Pinsent Masons», «KPMG» və «Dar Al Shariah» şirkətlərindən ibarət konsorsium tenderin qalibi elan olunub.