Maliyyə

Ana səhifə

Maliyyə

Azərbaycanda banklar oktyabrda zərərlə işləyib

06 dekabr 2011 08:55 (UTC +04:00)

Azərbaycan Mərkəzi Bankından «APA-Economics»ə verilən məlumata görə, 2010-cu ilin yanvar-oktyabr aylarının analoji göstəricisi ilə müqayisədə əldə edilmiş mənfəət 10,56 mln. manat və ya 9,9% artıb.

Qeyd edək ki, yanvar-sentyabr ayları ərzində bankların mənfəəti 118,71 mln. manat təşkil edib. Nəticədə, oktyabr ayında banklar zərərlə işləyib.

Yanvar-oktyabr aylarında bankların faiz gəlirləri 909,02 mln. manat, faiz xərcləri 483,46 mln. manat təşkil edib və nəticədə faiz mənfəəti 425,55 mln. manata bərabər olub. Eyni zamanda, bankların qeyri-faiz gəlirləri 254,52 mln. manat, qeyri-faiz xərcləri isə 429,05 mln. manat təşkil edib ki, bunun nəticəsində qeyri-faiz əməliyyatları üzrə 174,54 mln. manata bərabər zərər yaranıb.

Qeyd edək ki, 2010-cu ilin yanvar-oktyabr ayları ilə müqayisədə faiz mənfəəti 2,3%, qeyri-faiz zərəri 18,5% artıb. O cümlədən, faiz gəlirləri 4,4%, faiz xərcləri 6,4% artıb. Qeyri-faiz əməliyyatları üzrə gəlirlər 20,1%, xərclər isə 19,4% artıb.

Göründüyü kimi, qeyri-faiz zərərinin artım tempi faiz mənfəətinin artımından 8 dəfə çox olub. Eyni zamanda, faiz mənfəətinin həcmi faiz zərərinin həcmindən 2,4 dəfə artıqdır ki, nəticədə artım tempinin bu dərəcədə yüksək olması hələlik ciddi problem yaratmır. Hər halda faiz əməliyyatlarında banklar çox faydalı işləyir və nəticədə burada xərclər gəlirlərin cəmi 53%-ni təşkil edir. Beləliklə, faiz əməliyyatlarında gəlirlilik 47%-ə bərabərdir. Əksinə, qeyri-faiz əməliyyatlarında bankların işi mənfi nəticələr verir. Göründüyü kimi, burada xərclər gəlirləri 1,7 dəfə üstələyir. Ümumi nəticədə faiz mənfəətinin 41%-i qeyri-faiz zərərinin ödənilməsinə, 31,5%-i aktivlər üzrə xüsusi ehtiyatlara ayırmalara yönəldilib. Bankların sərəncamında qalan mənfəət faiz mənfəətinin 27,5%-ni təşkil edib.