Maliyyə

Ana səhifə

Maliyyə

«Texnikabank» son bir ildə kredit portfelini 11% artırıb

16 aprel 2012 12:28 (UTC +04:00)

Bakı. Elnur Hüseynquluyev – APA-Economics. Azərbaycanın «Texnikabank» ASC-nin aktivlərinin həcmi 2012-ci il aprel ayının 1-nə 576,252 mln. manat təşkil edib ki, bu da ötən ilin analoji dövrü ilə müqayisədə 5,6% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın kredit portfeli 11,4% artaraq 425,614 mln. manata, o cümlədən istehlak kreditləri 9,3% azalaraq 27,688 mln. manata, depozit portfeli 6,2% azalaraq 258,5 mln. manata çatıb.

Bu müddət ərzində bankın məcmu kapitalı 53% artaraq 99,997 mln. manat, o cümlədən nizamnamə kapitalı 5,6% artaraq 68,362 mln. manat təşkil edib.

Qeyd edək ki, bu ilin yanvar-mart aylarında bankın ümumi gəlirləri 15, 861 mln. Manat olub, bu isə ötən ilin müvafiq dövrü ilə müqayisədə 20% çoxdur. Bununla yanaşı, bankın xərcləri son bir il ərzində 47% artaraq 15,323 mln. manat təşkil edib. Nəticədə, bu ilin I rübündə bankın mənfəəti 538 min manat, xalis mənfəəti isə 458 min manat olub.

Xatırladaq ki, «Texnikabank» ASC 1993-cü ildə təsis olunub. Bankın 35 filialı və 637 işçisi var.