Maliyyə

Ana səhifə

Maliyyə

AİB Mərkəzi Asiya regionunda ÜDM və inflyasiya üzrə proqnozlarını endirib - CƏDVƏL

18 iyun 2020 11:28 (UTC +04:00)

Asiya İnkişaf Bankı (AİB) COVID-19 pandemiyasının neqativ təsirlərini nəzərə alaraq, bu il Azərbaycanın da yerləşdiyi Mərkəzi Asiya regionunda iqtisadiyyatın 0,5% azalacağını proqnozlaşdırır.

"APA-Economics"in məlumatına görə, bu barədə AİB-in "Asian Development Outlook Supplement" (ADOS) adlı yenilənmiş hesabatında deyilir.

Hesabatda qeyd olunub ki, aprel ayının gözləntiləri ilə müqayisədə hazırkı proqnoz 3,3 faiz bəndi azaldılıb. 2021-ci ildə ÜDM-in artım tempi üzrə proqnoz isə dəyişməz olaraq 4,2% səviyyəsində saxlanılıb.

İnflyasiyaya gəldikdə, bank bu il regionda inflyasiyanın 8% olacağını, 2021-ci ildə isə 6,6%-ə qədər yavaşlayacağını proqnozlaşdırır. Bu, AİB-in aprel proqnozlarında müvafiq olaraq 0,4 faiz bəndi və 0,3 faiz bəndi çoxdur.

Mərkəzi Asiya regionunun ölkələri üzrə bankın ÜDM-in artım tempi və inflyasiya proqnozları:

№	Ölkə	2020-ci il		2021-ci il
№	Ölkə	ÜDM, %	İnflyasiya, %	ÜDM, %	İnflyasiya, %
1	Azərbaycan	-0,1	2,8	1,2	3,5
2	Ermənistan	-3,5	1,2	3,5	2,5
3	Gürcüstan	-5,0	5,0	5,0	3,5
4	Qazaxıstan	-1,2	7,9	3,4	6,2
5	Qırğızıstan	-5,0	7,0	4,0	5,0
6	Tacikistan	-3,6	10,0	7,0	8,5
7	Türkmənistan	3,2	8,0	5,8	8,0
8	Özbəkistan	1,5	13,0	6,5	10,0