Bakı. Vahab Rzayev – APA-Economics. Azərbaycanda fəaliyyət göstərən «Azər-Türk Bank» ASC-nin aktivlərinin həcmi 2013-cü il oktyabrın 1-nə 96,746 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 34,4% çoxdur.
Bankdan «APA-Economics»ə verilən məlumata görə, hesabat dövründə bankın kredit portfeli 40,0% artaraq 65,821 mln. manata çatıb. O cümlədən, istehlak kreditlərinin həcmi 27,504 mln. manat təşkil edib ki, bu da 2012-ci il oktyabrın 1-nə olan göstəriciyə nisbətən 26,7% çoxdur. Eyni zamanda, vaxtı keçmiş kreditlərin həcmi son bir ildə 53,6% artaraq 5,132 mln. manata, məcmu kredit portfelində xüsusi çəkisi isə 0,7 faiz bəndi artaraq 7,8%-ə çatıb.
Bankın depozit portfeli son bir ildə 28,2% artaraq 39,812 mln. manat olub. O cümlədən, əhalinin əmanətlərinin həcmi 13,470 mln. manata bərabər olub ki, bu da illik müqayisədə 22,0% azdır.
Son bir ildə bankın məcmu kapitalı 14,3% artaraq 15,210 mln. manat, o cümlədən nizamnamə kapitalı dəyişməyib və 12,243 mln. manat təşkil edib.
Təhlil olunan dövr ərzində bankın cəmi müştərilərinin sayı 19,3% artaraq 32 788, o cümlədən, fiziki şəxslərin sayı 20,0% artaraq 31 787, hüquqi şəxslərin sayı 5,0% azalaraq 1 001 olub. Bankın dövriyyədə olan plastik kartlarının sayı 2013-cü il oktyabrın 1-nə 3 341-ə bərabər olub ki, bu da illik müqayisədə 17,9% çoxdur. O cümlədən, debet kartların sayı 22,2% artaraq 2 187-ə, kredit kartların sayı 12,5% artaraq 1 154-ə çatıb.
Hazırda bankın ölkə üzrə 4 filialı, 7 bankomatı, 45 POS-terminalı fəaliyyət göstərir. Bankın 146 işçisi var.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
