Bakı. Yeganə Laçınzadə - APA-Economics. 2015-ci il yanvarın 1-nə “Bank Nikoil”in aktivlərinin həcmi 365,957 mln. manat təşkil edib ki, bu da, ötən ilin müvafiq dövrü ilə müqayisədə 35,3% çoxdur.
Bankdan “APA-Economics”ə verilən məlumata görə, 2013-cü illə müqayisədə 2014-cü ildə bankın kredit portfeli 28,59% artaraq 287,792 mln. manat olub.
Hesabat dövründə istehlak kreditlərinin həcmi 72,304 mln. manat təşkil edib ki, bu da 49,72% azalma deməkdir.
2014-cü ilin yanvar-dekabr ayları ərzində bankda vaxtı keçmiş kreditlərin həcmi 4,88% artaraq 39,802 mln. manat olub ki, bu da, kredit portfelinin 13,83%-ni təşkil edir.
Bankın ipoteka kreditlərinin həcmi ötən il 78,86% artaraq 30,117 mln. manat olub ki, kreditlərin 26,447 mln. (87,81%) manatı ipoteka fondunun xətti ilə verilən kreditlərin payına düşür.
Hesabat dövründə bankın depozit portfeli 40,43% artaraq 211,491 mln. manat təşkil edib. Əmanətlərinin həcmi isə 164,776 mln. manata bərabər olub ki, bu da illik müqayisədə 26,42% çoxdur.
Ötən il ərzində “Bank Nikoil”in məcmu kapitalı 1,39% artaraq 57,129 mln. manat təşkil edib. Nizamnamə kapitalı isə dəyişməyərək 34,5 mln. manat qalıb.
Bu il yanvarın 1-nə bankın gəlirləri ötən ilin müvafiq dövrünə nisbətən 35,32% artaraq 49,927 mln. manat olub. Xərclər isə 51,54% artaraq 53,684 mln. manata çatıb.
Ümumilikdə, 2014-cü ildə bankın əldə etdiyi mənfəət 2,262 mln. manat olub.
Hazırda bankın ölkə üzrə 21 filialı, 38 bankomatı, 304 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
