Bakı. Musa Əhmədov - APA-Economics. 2015-ci ilin yanvarın 1-nə “Bank of Baku” ASC-nin aktivlərinin həcmi 748,192 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 12,42% çoxdur.
“APA-Economics”in məlumatına görə, 2013-cü il ilə müqayisədə ötən il bankın kredit portfeli 15,49% artaraq 659,343 mln. manat olub.
Ötən il bankın kredit portfelində istehlak kreditlərinin payı 545,380 mln. manat təşkil edib ki, bu da ötən ilin analoji dövrü ilə müqayisədə 11,92% çoxdur.
Bankın kredit portfelinin strukturunda vaxtı keçmiş kreditlərin həcmi keçən ilin analoji dövrü ilə müqayisədə təxminən 88,39% artaraq 47,841 mln. manat olub.
Bankda əhalinin əmanətləri hesabat dövrü ərzində 6,91% artaraq 419,973 mln. manata bərabər olub.
Bir il ərzində bankın məcmu kapitalı 10,94% artaraq 138,232 mln. manata çatdığı halda, nizamnamə kapitalı dəyişməyərək 52 mln. 870 min manat təşkil edib.
Ötən il bankın gəlirləri 2013-cü ilə nisbətən təxminən 23,23% artaraq 137,059 mln. manat, xərcləri isə 35,10% artaraq 86,101 mln. manata çatıb.
2014-cü ildə bankın əldə etdiyi mənfəət 50,958 mln. manat təşkil edib.
Hazırda bankın ölkə üzrə 24 filialı, 44 bankomatı, 1662 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
