Bakı. Yeganə Laçınzadə - APA-Economics. “DəmirBank” “Güzəştli kredit” aksiyası çərçivəsində nağd pul krediti götürmək istəyən müştərilərinə 10%-dək güzəştli kredit təklif edir.
Bankdan “APA-Economics”ə verilən məlumata görə, aksiyanın şərtlərinə görə müştərilər 5000 manatadək nağd pul kreditini illik faiz dərəcəsində 10%-dək endirimlə əldə edə bilərlər. Bununla yanaşı, askiyada DəmirTaksit kartı müştərilərə pulsuz təqdim edilir.
Qeyd edək ki, “Güzəştli kredit” aksiyası martın 31-dək davam edəcək.
“DəmirBank” müxtəlif proqramlar üzrə əhaliyə və şirkətlərə geniş çeşiddə kredit məhsulları təqdim edir. Bu sırada mikro və kiçik biznes üçün kreditlər, ipoteka krediti, avtomobil krediti, təhsil və səhiyyə işçilərinə kredit, dövlət işçilərinə kredit və digər istehlak kreditləri mövcuddur.
Ölkənin ilk kommersiya banklarından biri olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan “Avropa Yenidənqurma və İnkişaf Bankı” və “Hollandiya İnkişaf Maliyyə Şirkəti” (FMO) daxildir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
