Bakı. Yeganə Laçınzadə - APA-Economics. “DəmirBank” “Energocredit” layihəsi çərçivəsində müştərilərinə sərfəli “Energocredit”ləri təklif edir.
Bankdan “APA-Economics”ə verilən məlumata əsasən, müştərilər daha səmərəli texniki avadanlıq, materiallar və məişət avadanlıqları əldə etməklə, enerjiyə ödədikləri vəsaitə qənaət edə bilərlər. Bununla yanaşı, “Energocredit” müştərilərə məhsul dəyərinin 10%-ni nağd şəklində geri almaq imkanı verir.
Qeyd edək ki, “DəmirBank” “Avropa Yenidənqurma və İnkişaf Bankı” (AYİB) tərəfindən tətbiq edilən “Energokredit” layihəsinə 2014-cü ilin sentyabr ayından qoşulub. AYİB layihəni gerçəkləşdirmək üçün “DəmirBank”a 5 milyon ABŞ dolları ayırıb.
Ölkənin ilk kommersiya banklarından biri olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan “Avropa Yenidənqurma və İnkişaf Bankı” və “Hollandiya İnkişaf Maliyyə Şirkəti” (FMO) daxildir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
