Bakı. Yeganə Laçınzadə - APA-Economics. “DəmirBank”ın təcili pul köçürmə xidmətləri üzrə pul köçürən və alanlara “Mobil danışıq kartı hədiyyə” kampaniyası davam edir.
Bankdan “APA-Economics”ə verilən məlumata görə, kampaniyanın şərtlərinə əsasən, bankın filiallarında ən azı 500 manat/ dollar/ avro məbləğində pul köçürənə və ya alana istədiyi mobil rabitə sisteminin 1 manatlıq, köçürmə məbləği ən azı 2000 manat/ dollar/ avro olduqda isə müştəriyə 2 manatlıq mobil danışıq kartı hədiyyə olunur.
Hədiyyə kampaniyası “DəmirBank” filiallarında həm pul göndərənlərə, həm də pul alanlara şamil edilir. Ölkədaxili “Şimşək” sistemi üzrə isə yalnız pul göndərənə mobil rabitə ödəmə kartı hədiyyə edilir.
Qeyd edək ki, “Mobil danışıq kart hədiyyə” kampaniyası aprelin 31-dək davam edəcək.
“DəmirBank” əhaliyə 200-dək ölkə üzrə pul köçürmə xidmətlərini təklif edir. Bank “Western Union”, “Coinstar”, “Blizko”, “PrivatMoney” kimi sistemləri ilə beynəlxalq, özünün Şimşək sistemi ilə isə əhaliyə ölkədaxili pul köçürmə xidmətləri göstərir.
Ölkənin ilk kommersiya banklarından biri olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan “Avropa Yenidənqurma və İnkişaf Bankı” və “Hollandiya İnkişaf Maliyyə Şirkəti” (FMO) daxildir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
