Bakı. Musa Əhmədov - APA-Economics. “TuranBank” ın aktivlərinin həcmi 2015-ci ilin yanvarın 1-nə 322,431 mln. manat təşkil edib ki, bu da ötən il ilə müqayisədə 28,47% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 22,18% artaraq 224,782 mln. manat olub.
Ötən il istehlak kreditlərinin həcmi 31,360 mln. manat təşkil edib ki, bu da 2013-cü ilə olan göstəriciyə nisbətən 38,24% azdır.
Bankın ipoteka kreditlərinin həcmi bu ilin yanvarın 1-nə 27,409 mln. manat olub ki, bu da keçən il ilə müqayisədə 23,63% çoxdur və kreditlərin 16,399 mln. (59,83%) manatı ipoteka fondunun xətti ilə verilən kreditlərin payına düşür.
Bankın kredit portfelinin strukturunda vaxtı keçmiş kreditlərin həcmi 2013-cü il ilə müqayisədə təxminən 12,09% artaraq 7,298 mln. manat olub.
Bankın depozit portfeli hesabat dövrü ərzində 36,26% artaraq 126,779 mln. manata çatıb. Əhalinin əmanətlərinin həcmi isə 98,473 mln. manata bərabər olub ki, bu da illik müqayisədə 23,02% çoxdur.
Bir il ərzində bankın məcmu kapitalı 9,12% artaraq 55,092 mln. manata çatdığı halda, nizamnamə kapitalı 6,82 % artaraq 47,002 mln. manat təşkil edib.
Bankın gəlirləri 2013-cü ilə nisbətən təxminən 20,62% artaraq 33,346 mln. manat, xərcləri isə 18,29% artaraq 27,745 mln. manata çatıb.
Ötən il ərzində bankın əldə etdiyi mənfəət 5,602 mln. manat təşkil edib.
Hazırda bankın ölkə üzrə 13 filialı, 22 bankomatı, 162 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
