Maliyyə

Ana səhifə

Maliyyə

“Unibank” əmanətçilər arasında lotereya kampaniyasını davam etdirir

09 iyul 2013 11:05 (UTC +04:00)

Bakı. Vahab Rzayev - APA-Economics. Azərbaycanın “Unibank” ASC-nin “Unibank”a əmanət yerləşdirin və hədiyyə qazanın!” adlı tirajlı stimullaşdırıcı lotereyası əhali arasında böyük marağa səbəb olub.

Bankdan “APA-Economics”ə verilən məlumata görə, bu kampaniya çərçivəsində mayın 20-dən avqustun 31-dək “Unibank”da depozit hesabı açan hər bir müştəri müxtəlif pul uduşları və avtomobil sahibi olmaq imkanı qazanacaq.

Lotereyada ən azı 12 aylıq müddətə 100 AZN/USD/AVRO məbləğində əmanət qoyan və ya mövcud əmanətinin müddətini kampaniya ərzində ən azı 12 ay müddətinə artıran müştərilər iştirak edə biləcəklər. Hər 100 AZN/USD/AVRO həcmində əmanət bir şans kimi dəyərləndiriləcək. Aksiya çərçivəsində 20 iştirakçının hərəsi 500 manat qazanacaq. Bir qalib isə 2013-cü il istehsalı olan “Chrysler 200 Touring 2.4” avtomobili qazanacaq.

“Unibank”da depozitlər maksimal 15,7%-lə və ən çoxu 36 aylıq müddətədir. Qeyd edək ki, 12 aylıq müddətə qoyulan əmanətlər üçün faiz dərəcəsi, faizlərin ayda bir dəfə götürüləcəyi halda 12%, faizlərin rübdə, yarım ildə bir dəfə alınması zamanı isə müvafiq olaraq 12,1% və 12,2% hesablanır. Bir illik əmanətlərin faizləri depozit müddətinin sonunda götürülərsə, bu əmanətə görə 12,5% hesablanır.

Kampaniya haqqında haqqında daha ətraflı məlumatı (012) 117 nömrəli telefonla, bankın saytından (www.unibank.az) və yaxud “Facebook” səhifəsindən (www.facebook.com/unibank.az) əldə etmək olar.