2017-ci ilin III rübündə "AccessBank"ın aktivlərinin həcmi 852,001 mln. manat təşkil edib ki, bu da ötən ilin müvafiq dövrü ilə müqayisədə 19,17% azdır.
"APA-Economics" bankın balans hesabatına istinadən xəbər verir ki, hesabat dövründə bankın kredit portfeli 19,21% azalaraq 497,672 mln. manat olub.
Bankın depozit portfeli hesabat dövrü ərzində 39,98% artaraq 376,792 mln. manata bərabər olub. Öhdəliklərin həcmi isə 773,644 mln. manat təşkil edib ki, bu da illik müqayisədə 20,25% artım deməkdir.
Bir il ərzində bankın məcmu kapitalı 26,12% azalaraq 54,880 mln. manata endiyi halda, nizamnamə kapitalı 65% artaraq 140,250 mln. manat təşkil edib.
"AccessBank" cari ilin 9 ayı ərzində 48,298 mln. manat zərərlə başa vurub.
"Azərbaycan Mikromaliyyələşdirmə Bankı" QSC 29 oktyabr 2002-ci ildən fəaliyyət göstərməyə başlayıb. 8 sentyabr 2008-ci il tarixindən bank adını dəyişdirərək öz fəaliyyətini "AccessBank" adı altında davam etdirməyə başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
