Bakı. Yeganə Laçınzadə - APA-Economics. "Aqrarkredit" səhmdar kredit təşkilatı 2014-cü ildə aktivlərini 2,3% azaldaraq 30,3 mln. manata çatdırıb.
"APA-Economics"in məlumatına görə, 2014-cü ilin yanvar ayının 1-nə təşkilatın aktivləri 31 mln. manat olub.
Hesabat dövründə "Aqrarkredit"in kredit portfeli 35,9% artaraq 26,5 mln. manat təşkil edib.
Cari ilin əvvəlinə təşkilatın məcmu kapitalı 30,5% azalaraq 13,9 mln. manata çatıb. Bununla yanaşı, təşkilatın nizamnamə kapitalı 18,7 mln. manat səviyyəsində qalıb.
Ötən il ərzində “Aqrarkredit”in gəlirləri 5 mln. 508,6 min manat, vergi ödənilənədək mənfəəti 238,8 min manat təşkil edib.
“Aqrarkredit” ölkədə ən iri bank olmayan kredit təşkilatıdır və 2003-cü il dekabrın 30-da fəaliyyət üçün lisenziya alıb. Səhmdarları Maliyyə Nazirliyi (99%), “Azərsığorta” Dövlət Sığorta Şirkəti (0,5%) və “Meliorasiya və Su Təsərrüfatı” ASC-dir (0,5%).
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
