Bu ilin yanvar-aprel aylarında Azərbaycan və Gürcüstan arasında ticarət dövriyyəsinin həcmi 363 mln. 303,6 min dollar olub.
APA-nın yerli bürosu Gürcüstanın Milli Statistika İdarəsinin ilkin hesabatına istinadən xəbər verir ki, hesabat dövründə Azərbaycanın qonşu ölkənin ümumi ticarət dövriyyəsindəki payı 9,6% təşkil edib.
Cari ilin ilk dörd ayında Azərbaycan Gürcüstanın Türkiyə və Rusiyadan sonra 3-cü böyük ticarət tərəfdaşı olub.
Hesabat dövründə Azərbaycan Gürcüstandan 120 mln. 361.4 min dollarlıq məhsul idxal edib. Azərbaycandan qonşu ölkəyə isə 242 mln. 942,3 min dollar dəyərində məhsul ixrac olunub.
Yanvar-aprel aylarında Gürcüstanın xarici ticarət dövriyyəsinin ümumi həcmi 3 mlrd. 783,2 mln. dollar təşkil edib ki, bu da ötən ilin eyni göstəricisindən 22,1% çoxdur.
Qonşu ölkənin ixracı 22% artaraq 961,4 mln. dollar, idxalı isə 22,2% artaraq 2 mlrd. 821,8 mln. dollar təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
