"Bank Silk Way" ASC-nin 2017-ci il yanvarın 1-ə aktivlərinin həcmini ötən ilin müvafiq dövrü ilə müqayisədə 9,73% artıraraq 403 mln. 992,87 min manata çatdırıb.
Bankdan "APA-Economics"ə verilən xəbərə görə, 2016-cı ilin IV rübündə bankın kredit portfeli 11,9% artaraq 388 mln. 332,684 min manat olub.
Hesabat dövründə bankın depozit portfeli 21,12% artaraq 170 mln. 44,93 min manat olub. Bankda yerləşdirilən əhalinin əmanətləri 156,019 mln. manata çatıb ki, bu da ötən illə müqayisədə 20,66% artım deməkdir.
İl ərzində bankın öhdəlikləri 10,13% artaraq 287 mln. 231,16 min manat təşkil edib.
Bankın nizamnamə kapitalı son bir ildə dəyişməyərək 101 mln. 544,89 min manat, məcmu kapitalı isə 6% artaraq 113 mln. 455,49 min manat olub.
2016-cı ildə bankın gəlirləri 25,45% artaraq 42 mln. 969 min manat, xərcləri isə 0,2% artaraq 26 mln. 203 min manat təşkil edib.
"Bank Silk Way" ötən ili 1 mln. 558 min 690,87 manatlıq xalis mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
