Bakı. Yeganə Laçınzadə - APA-Economics. 2015-ci il yanvarın 1-nə “NBC Bank”ın aktivlərinin həcmi 138,106 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 17,81% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 24,97% artaraq 122,159 mln. manat olub.
Ötən il istehlak kreditlərinin həcmi 52,871 mln. manat təşkil edib ki, bu da illik müqayisədə 22,36% azalma deməkdir.
Bankın kredit portfelinin strukturunda vaxtı keçmiş kreditlərin həcmi isə 0,87% azalaraq 5,872 mln. manat olub.
Bankın depozit portfeli hesabat dövrü ərzində 10,88% artaraq 58,039 mln. manata çatıb. Əhalinin əmanətlərinin həcmi isə 11,47% artaraq 56,123 mln. manat olub.
Bir il ərzində bankın məcmu kapitalı 29,39% artaraq 50,202 mln. manat, nizamnamə kapitalı isə 27,37% artaraq 46 mln. 536 min manat təşkil edib.
Bankın gəlirləri hesabat dövründə 23,77% artaraq 19,261 mln. manata, xərcləri isə təxminən 17,78% artaraq 17,801 mln. manata çatıb.
Ümumilikdə isə, ötən il “NBC Bank” 1 mln. 460 min manat gəlir əldə edib.
Hazırda bankın ölkə üzrə 11 filialı, 17 bankomatı, 65 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
