Bakı. Vahab Rzayev – APA-Economics. Azərbaycan Beynəlxalq Bankının aktivləri son bir ildə 19,1% artaraq 2013-ci il aprelin 1-nə 6,227 mlrd. manata çatıb. Bu barədə «APA-Economics»ə Bankın mətbuat xidmətindən məlumat verilib.
Bankın kredit portfeli 28,8% artaraq aprelin 1-nə 4,02 mlrd. manata çatıb. Fiziki şəxslərə verilmiş kreditlər 476,1 mln. manat təşkil edib.
Bankın məcmu kapitalı son bir ildə 73,8% artaraq 747,66 mln. manata çatıb. Azərbaycan Beynəlxalq Bankının nizamnamə kapitalının həcmi 38% artırılaraq 331,4 mln. manata çatdırılıb.
Bankın aktivlərinin gəlirlilik əmsalı (ROA) 2013-ci il aprelin 1-nə 0,20%, kapitalın gəlirlilik əmsalı (ROE) isə 2,16% təşkil edib. Müqayisə üçün bildirək ki, 2012 il aprelin 1-də bu göstəricilər müvafiq olaraq 0,14% və 1,77%-ə bərabər olub.
Qeyd edək ki, Azərbaycan Beynəlxalq Bankı 1992-ci ildə təsis edilib. Bankın səhmlərinin 50,2%-i dövlətə, 49,8%-i isə özəl hüquqi və fiziki şəxslərə məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
