Bakı. Vahab Rzayev – APA-Economics. Bu ilin yanvar-oktyabr aylarında Azərbaycan əhalisinin hər nəfərinə düşən gəlirlər ötən ilin eyni dövrü ilə müqayisədə 6,4% artaraq 3 130,1 manat və ya orta hesabla ayda 313,0 manat təşkil edib. «APA-Economics»in xəbər verdiyi kimi, bu barədə Dövlət Statistika Komitəsinin məlumatında deyilir.
Məlumata əsasən, bu dövr ərzində ölkə əhalisi tərəfindən əldə edilmiş 29,1 mlrd. manatlıq gəlirin 68,0%-i son istehlak xərcləri, 9,0%-i vergilər, sosial sığorta və könüllü üzvlük haqları, 1,7%-i kreditlər üzrə faizlərin ödənilməsinə sərf edilib, 21,3%-i isə yığıma yönəldilib.
Bütün icbari və könüllü haqlar ödənildikdən sonra əhalinin sərəncamında 26,5 mlrd. manat həcmində və ya əvvəlki ildəkindən 7,6% çox vəsait qalıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
