Bakı. Vahab Rzayev – APA-Economics. Azərbaycanda fəaliyyət göstərən kommersiya banklarının məcmu aktivlərinin həcmi son bir ildə 3 156,5 mln. manat və ya 23,1% artaraq 2012-ci il dekabrın 1-nə 16 821,2 mln. manata çatıb.
Azərbaycan Mərkəzi Bankından «APA-Economics»ə verilən məlumata görə, noyabr ayında aktivlərin həcmi 511,3 mln. manat və ya 3,1% artıb:
Bank aktivlərinin tərkibində əsas yeri müştərilərə verilən kreditlər tutur. Belə ki, bu kreditlərin həcmi 10 493,3 mln. manat təşkil edib. Bundan başqa, aktivlərin strukturunda 1 436,4 mln. manat investisiyalar, 1 080,5 mln. manat müxbir hesabları, 736,4 mln. manat maliyyə sektoruna verilən kredit və depozitlər, 624,2 mln. manat nağd vəsaitlər və 2 450,3 mln. manat digər aktivlərin payına düşür.
Passivlərin tərkibində isə 7 428,8 mln. manat həcmində depozitlər, 4 883,3 mln. manat həcmində maliyyə sektorundan cəlb edilən kredit və depozitlər, 2 040,8 mln. manat həcmində digər öhdəliklər və 2 468,3 mln. manat həcmində kapital yer alıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
