Bakı. Vahab Rzayev – APA-Economics. Azərbaycanın tədiyyə balansında əks olunan cari əməliyyatlar hesabı balansının ÜDM-ə nisbəti 2012-ci ilin yanvar-sentyabr ayları üzrə 29,0% təşkil edib. «APA-Economics»in hesablamalarına görə, ötən ilin ilk 9 ayına nisbətən bu göstərici üzrə 12,7 faiz bəndi azalma müşahidə olunub.
Müqayisə üçün qeyd edək ki, 2011-ci ilin yekunlarına görə, cari əməliyyatlar hesabı balansının ÜDM-ə nisbəti 34,2%, bu ilin iki rübü nəticəsində isə 31,6% təşkil edib. Beləliklə, cari əməliyyatlar hesabı balansının ÜDM-ə nisbəti üzrə illik və rüblük müqayisədə azalma baş verib.
Cari əməliyyatlar hesabı balansının ÜDM-ə nisbətinin illik azalması cari əməliyyatlar hesabı balansının ötən ilin üç rübü ilə müqayisədə azalması ilə bağlı olub. Belə ki, bu göstərici illik müqayisədə 2,906 mlrd. dollar və ya 20,1% azalıb.
Qeyd edək ki, cari əməliyyatlar hesabı balansının qeyri-neft ÜDM-ə nisbəti üç rüb üzrə 57,5% təşkil edib və bu, illik müqayisədə 26,5 faiz bəndi azdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
