Bakı. Aqşin Rafiqoğlu – APA-Economics. Bu ilin yanvar-noyabr aylarında Azərbaycan Vergilər Nazirliyinin xətti ilə dövlət büdcəsinə 6 245,439 mln. manat vəsait daxil olub. Vergilər Nazirliyindən «APA-Economics»ə verilən məlumata görə, bu, ötən ilin eyni dövrü ilə müqayisədə 10,8% çoxdur.
Bu məbləğin 37,9%-i mənfəət vergisi, 24,7%-i əlavə dəyər vergisi, 12%-i fiziki şəxslərin gəlir vergisi, 7,5%-i aksizlər, 17,9%-i isə digər vergilərin payına düşüb. Qeyri-neft sektoru üzrə büdcəyə 3 409,294 mln. manat vəsait daxil olub.
Yanvar-noyabr aylarında respublika üzrə 66 162, o cümlədən elektron qaydada 30 221 (45,7%) vergi ödəyicisi qeydiyyata alınıb. Bu ilin dekabrın 1-nə qeydiyyatda olan vergi ödəyicilərinin ümumi sayı 533 093 təşkil edib ki, bu da ötən ilin eyni dövrü ilə müqayisədə qeydiyyatda olan vergi ödəyicilərinin sayından 11,8% çoxdur.
Hesabat dövründə ölkə üzrə elektron formada göndərilmiş bəyannamələrin xüsusi çəkisi 90,4% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
