Böyük Britaniyanın “Anglo Asian Minning” şirkəti cəlb etdiyi kreditin müddətini uzadır.
Bu barədə “APA-Economics”ə şirkətdən məlumat verilib.
Məlumata görə, Azərbaycanda qızıl yataqlarının işlənməsi üzrə operator olan “Anglo Asian Mining” (AAM) şirkətinin prezidenti və baş icraçı direktoru Reza Vəziri 2015-ci ildə AAM-ə cəlb etdiyi 4 mln. dollar məbləğində kreditin müddətinin uzadılmasına razılıq verib.
Cari kredit illik 10%-lə 2018-ci ilin yanvarın 8-dək qüvvədədir. Yeni razılığa əsasən, digər şərtlər dəyişməməklə illik faiz dərəcəsi 7%-dək endirilib və kredit müqaviləsi 2019-cu ili yanvarın 8-dək uzadılıb.
Şirkətin müstəqil direktorlarının fikrincə, səhmdarların maraq göstərdiyi kreditin şərtləri ədalətli və ağlabatandır.
Qeyd edək ki, "Anglo Asian Mining" 1997-ci ildən etibarən Azərbaycanda fəaliyyət göstərir. Həmin dövrdə imzalanan PSA müqaviləsinə əsasən, şirkət ölkə ərazisində 6 qızıl yatağında hasilat işləri aparır. PSA müqavilədə "Anglo Asian Mining" 49%-lik paya malikdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
