Bakı. APA-Economics - Musa Əhmədov. 2015-ci ilin yanvar ayında Azərbaycandakı 27 sığorta şirkətinin xətti ilə təxminən 62,9 mln. manat sığorta haqqı toplanıb.
“APA-Economics”in məlumatına görə, bu barədə Azərbaycan Sığortaçılar Assosiasiyasının sədri Orxan Bayramov məlumat verib. Onun sözlərinə görə, bu, ötən ilin yanvar ayı il ilə müqayisədə 2,9% çoxdur.
2015-ci ilin yanvar ayında sığorta şirkətlərinin həyata keçirdiyi sığorta ödənişlərinin məbləği isə təxminən 10,3 mln. manat təşkil edib. Bu da 2014-cü ilin yanvar ayına nisbətən 27,8% çoxdur.
Hesabat dövründə sığorta bazarında toplanmış hər 100 manat sığorta haqqı müqabilində 16,4 manat ödəniş həyata keçirilib. Bu göstərici 2014-cü ilin yanvarında 13,2 manat olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
