Bakı. Əli Əhmədov - APA-Economics. Ötən il Azərbaycanın sığorta bazarında kəskin artım müşahidə olunub - ötən il toplanmış sığorta haqları 60%-dən çox, sığorta ödənişləri 52%-dən çox artıb.
Maliyyə Nazirliyinin Dövlət Sığorta Nəzarəti Xidmətinin məlumatına görə, 2012-ci ildə Azərbaycanın sığorta şirkətləri 342 519 346,82 manat məbləğində sığorta haqqı toplayıblar. Bu, 2011-ci ilə nisbətən 129,54 mln. manat və ya 60,8% artıqdır.
Ötən il sığorta şirkətləri tərəfindən 93 860 881,77 manat sığorta ödənişi həyata keçirilib ki, bu da əvvəlki ilə nisbətən 32,3 mln. manat və ya 52,5% artıqdır.
2012-ci ildə toplanan sığorta haqlarının 215 003 419,52 manat və ya 62,8%-i könüllü sığorta növlərinin, 127 515 927,3 manat və ya 37,2%-i isə icbari sığorta növlərinin payına düşür. Sığorta ödəmələrinin isə 75 320 569,53 manatı və ya 80,25%-i könüllü sığorta növlərinin, 18 540 312,24 manatı və ya 19,75% icbari sığorta növlərinin payına düşür.
İllik müqayisədə könüllü sığorta növləri üzrə yığımların həcmi 33,54%, sığorta ödəmələrinin həcmi 45,76% artıb. İcbari sığorta növləri üzrə yığımların həcmi isə ötən illə müqayisədə 2,45 dəfə, sığorta ödənişlərinin həcmi isə 1,874 dəfə artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
