Bakı. Aqşin Rafiqoğlu - APA-Economics. Bu ilin yanvar-may aylarında Gürcüstandan Azərbaycana 37 901,6 min dollar dəyərində 2 019 ədəd minik avtomobili ixrac olunub.
Bu barədə “APA-Economics” Gürcüstan Milli Statistika Xidmətinə istinadən məlumat verib.
Bu, ötən ilin eyni dövrü ilə müqayisədə 8 908 ədəd avtomobil və ya 5,4 dəfə azdır. Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 3,21 dəfə azalıb.
Qeyd edək ki, bu ilin 5 ayı ərzində Gürcüstandan Azərbaycana ixrac olunan malların ümumi həcmində bu kateqoriyanın xüsusi çəkisi 32,47% təşkil edib.
Hesabat dövründə Gürcüstandan Azərbaycana ixrac olunan avtomobillərin həcmi bu ölkənin ümumi avtomobil ixracının 42,9%-i təşkil edib.
Bu ilin yanvar-may mart ayları ərzində ölkənin ümumi ixracında isə Azərbaycana ixrac olunan məhsulların xüsusi çəkisi 13,2% təşkil edib.
Qeyd edək ki, bu ilin yanvar-may ayında Gürcüstandan Azərbaycana 116 710,4 min dollar dəyərində məhsul ixrac edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
